பிரதமரின் கிசான் தொகை திட்டம்... பணம் வராதவர்கள் புதிதாக விண்ணப்பிக்கலாம்..

இந்திய அரசாங்கத்தின் பிரதான் மந்திரி கிசான் திட்டம் என்பது சிறு குறு விவசாயிகளுக்கு நிதி உதவி வழங்கும் திட்டமாகும். இந்த நிலையில் பிரதமரின் கிசான் தொகை காண 17வது தவணைத் தொகை விடுப்பதற்கான பட்டியலில் விடுபட்டவர்கள் விண்ணப்பிக்கலாம் என வேளாண் துறை துணை இயக்குநர் அமுதன் தெரிவித்துள்ளார்.

அதன்படி, ஆண்டுக்கு மூன்று முறை ரூபாய் 2 ஆயிரம் வீதம் இதுவரை 16 தவணைகளாக விவசாயிகளுக்கு ஊக்கத்தொகை வழங்கப்பட்டுள்ளது. மதுரை மாவட்டத்தில் 2 ஆயிரத்து 800 விவசாயிகளின் வங்கி கணக்கு என்னுடன் ஆதார் எண் இணைப்பில் குளறுபடி ஏற்பட்டுள்ளது. சில விவசாயிகளுக்கு இந்த பிரச்சனை தெரியாமல் பணம் வரவு வைக்கவில்லை எனப்புகார் தெரிவிக்கின்றனர்.

தகுதியான நிலமுள்ள விவசாயிகள் இத்திட்டத்தில் பயன்பெறலாம். வங்கி கணக்கில் பணம் வரவாகவில்லை என்றால் இ-சேவை மையம் மூலமாக வங்கியின் இ.கே.ஒய்.சி விவரங்களைப் பதிவு செய்ய வேண்டும். சிலருக்கு ஆதார் கார்டில் பெயர், எழுத்துப் பிழையுடன் இருக்கலாம். ஆதார் எண் சரியாக இருந்தால் வங்கி கணக்குடன் பதிவு செய்ய முடியும்.

17வது தவணைத் தொகை ஜூன்-இல் வழங்க உள்ளதால் அதற்குள் விவரங்களை இணைக்க வேண்டும். அரசு ஊழியர்கள், டாக்டர், வழக்கறிஞர் போன்ற தொழில்துறை நிபுணர்கள், ஓய்வூதியர்கள், வருமான வரி செலுத்துபவர்கள், ஒரே குடும்பத்தில் இரண்டு பேர் விண்ணப்பித்தாலும் விவசாயிகளுக்கான ஊக்கத்தொகை கிடைக்காது. ஏற்கனவே தவணைத் தொகை வாங்கி விடுபட்டவர்கள் அந்தந்த வட்டாரத்தில் உள்ள வேளாண் உதவி இயக்குநர் அலுவலகத்தை அணுகலாம் எனத் தெரிவித்துள்ளார்.