எஃப்.டி வட்டி அதிரடியாக உயர்வு ஐ.சி.ஐ.சி.ஐ வங்கியின் புதிய வட்டி விகிதம் !

(ICICI Bank Fixed Deposit Rates)  ஐ.சி.ஐ.சி.ஐ வங்கி ஃபிக்ஸட் டெபாசிட் வட்டி விகிதங்களை சற்று திருத்தியுள்ளது. புதிய வட்டி விகிதங்கள் ஜூலை 16ஆம் தேதி முதல் அமலுக்கு வந்துள்ளன.

ICICI Bank Fixed Deposit Rates :

இந்தியாவின் தனியார் துறையில் மிகப்பெரிய வங்கியான ஐ.சி.ஐ.சி.ஐ ஃபிக்ஸட் டெபாசிட் வட்டி விகிதங்களை திருத்தியுள்ளன. புதிய வட்டி விகிதங்கள் ஜூலை 16ஆம் தேதி முதல் அமலுக்கு வந்துவிட்டன. இந்தத் திருத்தத்துக்கு பின்னர் வாடிக்கையாளர்கள் 3.00% மற்றும் அதிகபட்சமாக 7.20% வட்டியைப் பெறலாம் என்று அறிவுறுத்தப்படுகிறது.

ஐ.சி.ஐ.சி.ஐ வங்கி ஃபிக்ஸட் டெபாசிட் வட்டி விகிதம் :

ஐசிஐசிஐ வங்கியில் 7 முதல் 29 நாட்கள் வரையிலான நிலையான வைப்புத் திட்டங்களுக்கு 3.00% வட்டி விகிதத்தையும், 30 முதல் 45 நாட்களுக்குள் 3.50% வட்டி விகிதத்தையும்  வழங்குகிறது.

46 முதல் 60 நாட்கள் வரையிலான நிலையான வைப்பு காலத்துடன், ஐ.சி.ஐ.சி.ஐ வங்கி இப்போது  4.25% வட்டி விகிதத்தை வழங்குகிறது.

மேலும், அதனை தொடர்ந்து  61 முதல் 90 நாட்கள் வரை வட்டி விகிதமும்  4.50% ஐசிஐசிஐ வங்கியில் 91-184 நாட்களில் முதிர்ச்சியடையும் நிலையான வைப்புகளுக்கு இப்போது 4.75% வட்டி கிடைக்கும். அதே நேரத்தில் 185-270 நாட்களில் முதிர்ச்சியடைபவை 5.75% வட்டி விகிதத்தை வழங்கும்.

தொடர்ந்து, 1 வருடம் முதல் 15 மாதங்கள் வரை முதிர்ச்சியடையும் நிலையான வைப்புகளுக்கு 6.70% வட்டி விகிதத்தை வழங்குகிறது. அதே நேரத்தில் 271 நாட்கள் முதல் 1 வருட டெபாசிட்களுக்கு வங்கி 6.00% வட்டி விகிதத்தை செலுத்தும்.

மேலும் 15 மாதங்கள் முதல் 2 ஆண்டுகள் வரையிலான நிலையான வைப்புத் திட்டங்களுக்கு 7.20% அதிகபட்ச வட்டி விகிதம் வழங்கப்படுகிறது. வங்கி 2 ஆண்டுகள் மற்றும் 1 நாள் முதல் 5 ஆண்டுகள் வரையிலான விதிமுறைகளில் 7.00% வருமானத்தையும் செலுத்துகிறது. ஐந்து வருடங்கள், ஒரு நாள் முதல் பத்து வருடங்களில் முதிர்ச்சியடையும் நிலையான வைப்புத் தொகைகளுக்கான வட்டி விகிதம் இப்போது 7.00% ஆக இருக்கும் என்பது குறிப்பிடத்தக்கது.