லேபிள் மற்றும் விளம்பரங்களில் இருந்து '100% பழச்சாறு' உரிமையை நீக்க, FSSAI உணவு வணிகங்கள் உத்தரவு பிறப்பித்துள்ளது !!!

பொதுவாக சிலர் பழங்களை வாங்கி சாப்பிடுவதற்கு பதிலாக பழச்சாற்றினை வாங்கி பருகுகிறார்கள் . அதுவும் பிளாஸ்டிக் டப்பாக்களில் அடைக்கப்பட்ட பழச்சாற்றினை  கண்ணை கவரும் விளம்பரங்களின் வாயிலாக அதை விரும்பி அருந்துகின்றனர் . 

இதினால் மக்களின் நலன்  கருதி இந்திய உணவுப் பாதுகாப்பு மற்றும் தர நிர்ணய ஆணையம் (FSSAI) அனைத்து உணவு வணிக ஆபரேட்டர்களுக்கும் (FBOs) '100% பழச்சாறு' என்ற உரிமைகோரலை மறுசீரமைக்கப்பட்ட பழச்சாறுகளின் லேபிள்கள் மற்றும் விளம்பரங்களில் இருந்து உடனடியாக அமலுக்கு வரும் வகையில் நீக்குமாறு உத்தரவு பிறப்பித்துள்ளது. அனைத்து FBOக்களும் செப்டம்பர் 1 ஆம் தேதிக்கு முன்னர் ஏற்கனவே அச்சிடப்பட்ட அனைத்து பேக்கேஜிங் பொருட்களையும் தீர்ந்துவிடும்படி அறிவுறுத்தப்பட்டுள்ளன.

"பல FBOக்கள் 100 சதவீத பழச்சாறுகள் என்று கூறி பல்வேறு வகையான மறுகட்டமைக்கப்பட்ட பழச்சாறுகளை தவறாக சந்தைப்படுத்துவது FSSAI இன் கவனத்திற்கு வந்துள்ளது" என்று அந்த அறிக்கையில் கூறப்பட்டுள்ளது.