உப்பு பத்தலனா மேல தூவி சாப்பிடற ஆளா நீங்க?

உப்பில்லா பண்டம் குப்பையிலே என்று சொல்வார்கள். ஆனால், சமீபத்திய நடத்தப்பட்ட ஆய்வு ஒன்றில் அன்றாட உணவில் அதிகளவு டேபிள் சால்ட் சேர்த்துக் கொள்பவர்களுக்கு இரைப்பை புற்றுநோய் ஏற்படுவதற்கு 41% வாய்ப்பு இருப்பதாக கண்டறியப்பட்டுள்ளது.

நமது வாழ்க்கையில் உப்பு எவ்வளவு முக்கியமானது என்பதை நாம் உண்ணும் உணவில் சிறிதளவு உப்பு குறைவாக இருக்கும்போது தெரிந்துக் கொள்ளலாம். உணவின் ருசியை அதிகரிப்பதில் உப்புக்கு முக்கிய பங்கு உண்டு.

அனைத்து உப்புகளும் சோடியம் குளோரைடால் ஆனவை. ஆனால், டேபிள் உப்பு என்பது இயற்கை உப்பை ஆவியாக்கி, மிக அதிக வெப்பநிலைக்கு உட்படுத்துவதன் மூலம் தயாரிக்கப்படுகிறது. இந்த செயல்பாடு அதன் நன்மை பயக்கும் பண்புகளை (அயோடின்) அழித்துவிடுகிறது.

பொதுவாக, கடல் உப்பு சுத்திகரிப்படாத வடிவத்தில் சாம்பல் நிற சாயலை கொண்டிருக்கும். ஆனால், டேபிள் உப்பு பார்க்கும்போதே பளிச்சென்று மினுமினுப்பாக இருக்கும்.

இதற்கு அதன் சுத்திகரிப்பு செயல்முறையே காரணம். இந்த செயல்பாட்டில் அத்தியாவசிய தாதுக்கள் மற்றும் மற்ற அனைத்து அசுத்தங்களும் நீக்கப்படுகின்றன.

மேலும், காற்றில் உள்ள ஈரப்பதத்தை உறிஞ்சும் உப்பின் திறனை தடுப்பதற்காக டேபிள் உப்பில் சோடியம் அலுமினோசிலிகேட், சிலிக்கான் டை ஆக்சைடு, மெக்னீசியம் கார்பனேட் போன்ற செயற்கை இரசாயனங்கள் சேர்க்கப்படுகின்றன.

மேலும், 24 மணி நேர சிறுநீர் சோடியம் வெளியேற்றத்தை மதிப்பிடுவதற்கு சிறுநீர் சோடியம், கிரியேட்டினின் மற்றும் பொட்டாசியம் அளவும் அளக்கப்பட்டன. அதுமட்டுமல்லாமல் வயது, பாலினம், கல்வி நிலை, உடல் செயல்பாடு, மது அருந்துதல், இறைச்சி உட்கொள்ளல் மற்றும் பழம், காய்கறி உட்கொள்ளல் உள்ளிட்ட பல்வேறு காரணிகள் பகுப்பாய்வில் கணக்கிடப்பட்டன.

சராசரியாக 10.9 வருடங்களாக கண்காணிக்கப்பட்ட இந்த ஆய்வில், உணவில் எப்போதும் உப்பு சேர்க்கும் 640 பேருக்கு இரைப்பை புற்றுநோய் ஏற்படுவதற்கு 41% வாய்ப்பு இருப்பதாக கண்டறியப்பட்டுள்ளது. இது உண்மையில் அதிகமாக டேபிள் உப்பு பயன்படுத்தும் பயன்படுத்தும் நபர்களுக்கு இடையே பெரும் அதிர்ச்சியை ஏற்படுத்தியுள்ளது.

தினமும் உணவில் அதிகளவு டேபிள் உப்பை பயன்படுத்துவது கீல்வாதம், சிறுநீரக கற்கள், பித்தப்பை கற்கள், கல்லீரல் பிரச்சனை, உயர் இரத்த அழுத்தம், இதய செயலிழப்பு, நரம்பு மண்டல கோளாறுகள், அல்சைமர் மற்றும் தசைப்படிப்பு போன்ற பல்வேறு வகையான நோய்களுக்கும் வழிவகுக்கிறது.

அன்றாட உணவில் அதிகப்படியாக உப்பு சேர்ப்பதால், இரைப்பை புற்றுநோய் ஏற்படும் என்பதை கருத்தில் கொண்டு, உப்பு பயன்பாட்டை குறைக்க கீழே கொடுக்கப்பட்டுள்ள ஆலோசனைகளை பின்பற்றலாம்.

உணவகங்களில் தயாரிக்கப்படும் உணவுகளில் பெரும்பாலும் உப்பு அளவு அதிகமாக தான் இருக்கும். எனவே, அவற்றை தவிர்க்க முடிந்தவரை வீட்டில் சமைத்து சாப்பிடுங்கள்.

எந்த உணவு பொருட்களை வாங்கும்போதும், அதன் உணவு லேபிள்களை சரிபார்த்து குறைந்த சோடியம் உள்ள உணவு பொருட்களை தேர்ந்தெடுங்கள்.

பதப்படுத்தப்பட்ட உணவுகளை உட்கொள்வதை முடிந்தவரை தவிர்த்துக் கொள்ளவும். ஏனென்றால், அவ்வகை உணவுகளில் பெரும்பாலும் அதிகளவு சோடியம் சேர்க்கப்பட்டிருக்கும்.

இவ்வாறு உணவு முறைகளில் சில மாற்றங்களை செய்வதன் மூலம் ஒருவர் அதிகப்படியாக உப்பு உட்கொள்வதை முடிந்தவரை குறைக்க முடியும். அதுமட்டுமல்லாமல், இரைப்பை புற்றுநோய் மற்றும் பிற உடல்நல உபாதைகளில் இருந்து தற்காத்து கொள்ள முடியும்.