தேனி மேகமலை அருவியல் ஆர்ப்பரித்துக் கொட்டும் தண்ணீர்!குளிக்க அனுமதி!

பிரசித்தி பெற்ற தேனி மாவட்டம் மேகமலை அருவியில் குளிக்க மீண்டும் சுற்றுலா பயணிகளுக்கு அனுமதி அளிக்கப்பட்டுள்ளது.

இயற்கையின் வரப்பிரசாதம் தேனி:

பொதுவாக குளுமையான மலைப் பிரதேசங்கள் என்றால் அனைவரும் விரும்பிச் செல்லும் இடமாக ஊட்டி, கொடைக்கானல் மட்டுமே உள்ளது. ஆனால் இயற்கை கொடுத்த வரப் பிரசாதமாக இருப்பது தேனி மாவட்டம்.

பலரும் அறியாத அழகிய இடங்கள்:

இந்த மலைகளில் இதுவரை பலரும் அறியாத மற்றும் கூட்டம் இல்லாத ஏராளமான சுற்றுலாத்தலங்கள், அருவிகள், ஏரிகள் காணப்படுகிறது.

மேகமலை:

குறிப்பாக தேனி மாவட்டத்தில் கடல் மட்டத்திலிருந்து சுமார் 1500 அடி உயரத்தில் அமைந்துள்ள இந்த மேகமலை இங்கு வரும் சுற்றுலா பயணிகளுக்கு ஒரு காட்சி விருந்தாக அமைந்துள்ளது. மேலும் இங்கு கொட்டும் மேகமலை அருவி எந்த பருவத்திலும் வறட்சி அடையாத அருவியாக உள்ளது.

மேலும் இந்த அருவி அடர்ந்த வனப்பகுதியில் அமைந்துள்ளதால் அருவிக்கு வரும் தண்ணீர் உயரமான மலையில் இருந்து பல்வேறு மூலிகை செடிகள் மற்றும் மரங்கள் மீது பட்டு விழுவதால் இது மருத்துவ குணம் கொண்டுள்ளது. 

மேகமலை அருவி:

இந்த நிலையில் கடந்த சில தினங்களாக தமிழகத்தில் தேனி மதுரை நெல்லை தென்காசி உள்ளிட்ட பல்வேறு மாவட்டங்களில் மழை பெய்து வருவதால் அனைத்து பிரசித்தி பெற்ற அருவிகளிலும் வெள்ளப்பெருக்கு ஏற்பட்டு சுற்றுலாப் பயணிகள் குளிக்க தடை விதிக்கப்பட்டது.

அந்த வகையில் தேனி மேகமலை அருவியிலும் கடந்த நான்கு தினங்களாக வெள்ளப்பெருக்கு ஏற்பட்ட நிலையில் சுற்றுலாப் பயணிகள் அருவிப்பகுதிக்கு செல்லவும் அருவியில் குளிக்கவும் தடை விதிக்கப்பட்டிருந்தது.

மீண்டும் அனுமதி:

இந்த நிலையில் கடந்த ஒரு வாரமாக தொடர்ந்து பெய்த சாரல் மழையால் நீர்வரத்து அறிவியல் தற்போது சீராகியுள்ளது. இதனால் சுற்றுலாப் பயணிகள் குளிக்க மீண்டும் அனுமதி அளிக்கப்பட்டுள்ளது. இதனால் சுற்றுலா பயணிகள் மகிழ்ச்சி அடைந்துள்ளனர்.