பெற்றோர்களுக்கு உடனுக்குடன் எமிஸ் வாட்ஸ்-அப் மெசேஜ்... கல்வித்துறை அதிரடி!

வகுப்பு நேரத்தை கட் அடித்து விட்டு ஊர் சுற்றும்

மாணவர்களுக்கு கிடுக்குப்பிடி போடும் வகையில் தமிழக பள்ளிக் கல்வித்துறை முக்கிய நடவடிக்கை எடுத்து வருகிறது.

2024-25ஆம் கல்வியாண்டு அடுத்த சில வாரங்களில் தொடங்கவுள்ளது. பள்ளிகள் திறக்கப்படும் தேதியை பெற்றோர்கள் ஆர்வத்துடன் எதிர்பார்த்து காத்திருக்கின்றனர். கடந்த ஆண்டை போல வெயில் வாட்டி வதைத்தால் பள்ளிகள் திறப்பு தள்ளிப் போகும். எப்படியும் ஜூன் மூன்றாவது வாரத்தில் தான் திறக்க வாய்ப்பிருப்பதாக பேசி வந்தனர். ஆனால் மாநிலத்தின் பல்வேறு பகுதிகளில் நல்ல மழை பெய்து வருகிறது.

எமிஸ் வாட்ஸ்-அப் செயல்பாடு

அடுத்த இரண்டு நாட்களுக்கு ரெட் அலர்ட் விடுக்கப்பட்டுள்ளது. மாநிலத்தின் பெரும்பாலான பகுதிகளில் இதமான வானிலை நிலவி வருகிறது. எனவே ஜூன் முதல் வாரத்திலேயே பள்ளிகள் திறக்க அதிக வாய்ப்புகள் இருக்கின்றன. இந்த சூழலில் EMIS எனப்படும் கல்வி மேலாண்மை தகவல் சிஸ்டத்தில் பள்ளி மாணவர்களின் தொலைபேசி எண்களை பதிவு செய்யும் பணிகள் முடுக்கி விடப்பட்டுள்ளன. ஏற்கனவே ஒவ்வொரு பெற்றொரிடம் இருந்தும் தொலைபேசி எண்கள் வாங்கப்பட்டுள்ளன.

ஆனால் அவை உறுதிபடுத்தப்படாமல் உள்ளன. எனவே OTP அனுப்பி அதைக் கொண்டு EMIS சிஸ்டத்தில் சரியான எண்ணை பதிவு செய்யும் பணிகள் நடந்து வருகின்றன. இதற்காக பெற்றோர்களை தொலைபேசி மூலம் அழைத்து ஆசிரியர்கள் பேசி வருகின்றனர். சில இடங்களில் OTP சொல்ல முடியாது என்று கறார் காட்டும் பெற்றோர்களால் சிக்கல் ஏற்பட்டுள்ளது. எப்படியும் அடுத்த ஒரு வாரத்திற்குள் அனைத்து பணிகளையும் முடித்துவிட பள்ளிக் கல்வித்துறை திட்டமிட்டுள்ளது.

என்னென்ன விவரங்கள் பகிர்வு

மாணவர்கள் சரியான நேரத்திற்கு பள்ளிகளுக்கு வருகிறார்களா?
பள்ளி வளாகங்களில் மாணவர்களின் செயல்பாடுகள் எப்படி இருக்கின்றன?
வகுப்பறையில் பாடத்தை சரியாக கவனிக்கிறார்களா, இல்லையா?
மாணவர்களின் படிப்பு எந்த நிலையில் உள்ளது?
மாணவர்கள் ஆசிரியர்கள் உடன் எப்படி நடந்து கொள்கிறார்கள்?
மது அருந்தியோ அல்லது போதை பொருட்களை உட்கொண்டோ பள்ளிக்கு வருகிறார்களா?
ஒவ்வொரு தேர்விலும் மாணவர்கள் பெற்ற மதிப்பெண்கள் என்ன?
எந்தெந்த பாடங்களில் மாணவர்கள் குறைந்த மதிப்பெண்கள் பெறுகிறார்கள்?
பெற்றோர்கள் என்னென்ன செய்ய வேண்டும்?

போன்ற விவரங்கள் வாட்ஸ்-அப் மூலம் பெற்றோர்களுக்கு அனுப்பி வைக்கப்படும்.